Björgunin kemur utan frá

Það sem er að gerast hjá IMF er ekki al-vont. Ef það er svo að þeir vilji ekki lána okkur fyrr en hlutir skýrist í stjórnsýslunni hjá okkur og að við náum samkomulagi um Landsbankasvikin við vinaþjóðirnar okkar, þá er von og sólarglæta. Það hreinlega gargar á að menn axli ábyrgð og hundskist frá þeim embættum, sem þeir hafa verið áskrifendur að í áraraðir. Það gerir þjóðinni líka kleyft að henda krónunni eins og Ársæll Valfells hefur bent á að hægt sé að gera.

Sú hugmynd að breyta Landsbankasvikunum í hlutabréf í núverandi banka, þýðir að við fáum erlenda banka til að reka okkar banka og koma þeim á koppinn, sem er útilokað við núverandi aðstæður. Bankarnir eru févana og Seðlabankinn líka. Hugmyndir vesalinganna í ríkisstjórn og Seðlabanka eru þær sömu og fyrr, halda í krónuna og kafkeyra landið ennú meir í skuldafenið af þeim sökum.

Ég er þakklátur Agli Helga fyrir að koma á framfæri hæfu fólki með sínar hugmyndir til bjargar þjóðinni, og nú virðist sem IMF sé sama sinnis og það ágæta fólk allt saman. Vonandi er okkur að berast hjálp úr óvæntri átt, nefnilega að utan og það frá IMF. Pakkið okkar situr sem fastast þar til sú niðurstaða fæst að hvorki IMF né nokkrir aðrir, lána landinu eyrisvirði á meðan pakkið situr sem fastast. Þá hrökklast það frá og þá verður hægt að fá Interpol til að rannsaka sukkið. Ég bið og vona.

Athugasemdir

[Jón Steinar Ragnarsson, 10.11.2008 kl. 01:17]

Hlustaðu á viðtal við Ársæl Valfells og Þórólf Mattíasson hérna. Þeir eru með lausnina. Við þurfum ekki IMF. Lánin eru til þess að fleyta krónunni að nýju en um leið og það gerist þá losa menn sig við hana og hún hrynur með meiri þunga og við sitjum uppi með 6 milljarða dollara skuldabagga í viðbót fyrir algerann óþarfa.  Að henda þessum peningum á eftir krónunni´er sjálfsmorð.

Hugsaðu svo um hvað er verið að gera í bönkunum við söluna á eignasafni þeirra.  Hverju samanstendur það af. Fiskveiðikvóta, Iðnaðar, landbúnaðar og verslunarfyrirtækjum. Bre´f í Orkuframleiðslu, sölu og dreifingu, Landeignum með laxám og vatnsréttindum ofl....semsagt fjöreggi þjóðarinnar.

Það er það sem við eigum að einblína á næst í stað hurðarinnar á seðlabankanum. Það er verið að selja sjálfstæðið í hendur erlendra stórfyrirtækja. Svo einfalt er það mál.

[Hreggviður Davíðsson, 10.11.2008 kl. 01:35]

Nákvæmlega. Ætlum við að láta þetta gerast? Er ekki einhver vel málifarinn, sem getur talað okkar máli við IMF og beðist ásjár? Fengið fólkið þar á bæ til að vera staðfast í að neita öllum lánum til landsins á meðan gjöreyðingavöld sitja við stjórnvölinn hjá okkur. Það bara má ekki gerast að okkar eyrnafestuhausar fái þessu ráðið lengur.

[Hreggviður Davíðsson, 10.11.2008 kl. 01:49]

Bara til að fá betri lýsingu frá þér Jón. Viltu meina að það sé hættulegt að bjóða hlutabréf í bönkunum uppí svik Landsbankans? Erum við með því að mölva fjöreggið okkar?